Тыва суг үеринден когараан көвүрүглер болгаш оруктар септелгезинче 128 сая рубльди аңгылаан.
РФ-тиң Чазаа суг үерлээшкининден когараан автомобиль оруктарын база көвүрүглерин катап тургузарынга Тываже 2022-2023 чылдарда 64 сая рубльди чорудар. Республика Баштыңы ооң дугайында бодунуң телеграм-каналында дыңнаткан.
РФ-тиң Чазаа ол сорулгага ниитизи-биле 4 млрд рубль акшаландырыышкынны тускайлаан. Ол акша-хөреңгини тос регион – Крым, Тыва, Забайкалье, Приморье база Хабаровск крайлар, Амур, Иркутск, Омск база Еврей автономнуг областар алыр.
Владислав Ховалыг суг үеринден үрелип когараан эң айыылдыг көвүрүглерни септеп эгелээрин демдеглээн. Ол дээрге Өвүрде Чоза биле Барыын-Хемчикте Аянгаты хемнерде, ол ышкаш Мөңгүн-Тайга кожуунда көвүрүглер-дир.
Тываның Баштыңы эрткен чылын кожууннарны эргип чорааш, үерден үрелген оруктарда чоннуң канчаар аргыжып турарын боду көрген. Ол улуг айтырыг федералдыг деткимчениң ачызында бо чылын шиитпирлеттинип эгелээр.
РФ-тиң Чазааның даргазы Михаил Мишустин тускайлаттынган акша-хөреңги регионнарга кыска хуусаада чедерин айтып, септелге ажылдарының керээлерин үе-шаанда чарып эгелээрин дааскан.
Тувинский национальный музыкально-драматический театр имени В.Кок-оола примет участие в Международном фестивале в республике Башкортостан
В год 450-летия основания города Уфы с 16 по 23 мая 2024 года в столице Башкортостана пройдет VIII Международный фестиваль национальных театров «Туганлык» – театральный праздник с энергией созидания,…