Хандагайты суурда уругларның чаа ойнаар шөлүн байырлыы-биле ажытканын Өвүр кожууннуң чагырга даргазы Айдыс Куулар дыңнаткан.
«Амыдыралга инфратургузуг» национал төлевилелдиң «Таарымчалыг хоорай хүрээлеңин хевирлээри» федералдыг программаның ачызында уруглар эптиг болгаш чырык ойнаар черлиг болган.
Тывада «Таарымчалыг хоорай хүрээлеңин хевирлээри» федералдыг төлевилелди боттандырып, 31 хөй-ниити девискээрин чаагайжыдар ажылдар уламчылавышаан, Бүгү Россия чергелиг мөөрейге тиилээн ийи төлевилел – Кызыл биле Туран хоорайларда таарымчалыг хүрлээлеңни тургузуп турар.
Бо хүннүү-биле алырга, Чөөн-Хемчик кожууннуң Бажың-Алаак, Теве-Хая суурларында база Чадаана хоорайда, Кызыл кожууннуң Каа-Хем биле Сукпак суурларда, Өвүр кожууннуң Хандагайтыда, Сүт-Хөл кожууннуң Кара-Чыраада, Тожу кожууннуң Тоора-Хемде болгаш Эрзин кожууннуң Эрзин суурда – шупту тос хөй-ниити шөлүн чаагайжыдары доозулган.