Өвүр кожууннуң шыырак мөгелериниң аразынга долгандырыг хүреш Хандагайтының Доржу Казакин аттыг стадионга бөгүн болуп эрткенин чагырга чери дыңнаткан.
Мөгелер шаңналдыг черлер дээш ачыр-дачыр тудушканнар. Маргылдааның шылгараан дөрт шыырак мөгези: Даш-Чимит Куулар (Солчур) шүүлген, Салим Седен-оол (Дус-Даг) үжүүрлешкен. Үшкү-дөрткү шаңналдыг черлерде Оттук Доржукай (Дус-Даг) биле Буян Сат (Хандагайты). Оларның аразынга салыглары кончуг дүшкүүрлүг болган.
Хүрештиң деткикчилери – Бора-Шайның хууда малчыннары Хулер-оол Монгуш, Арзылан Кенен-оол, Откун Монгуш, Алевтина Ондар. Маргылдааның эрттирикчилери база мөгелерниң малчыннарга четтиргенин илереткен.
