Ыдыктыг черлерни чаагайжыткан

Бии-Хем кожууннуң Туран хоорайже кирер оруктуң аксында субурганның девискээрин чаагайжытканнар.

Туранның 2 дугаар ортумак школазының 2000 чылдың доозукчулары дөрт хүннүң дургузунда субурганның үндезин септелгезин чорудуп, демир херимин будуп, девискээрин аштап арыглаан.

Ол ышкаш дагда "Ом мани падме хум" бижикти чугайлап, ыдыктыг черлерни чаагайжыткан.