Кызыл хоорайның 19 дугаар «Профлидер» школазынга бирги классчылар Үжүглел-биле байырлашканын республиканың немелде өөредилге сайзырадыр төвү дыңнаткан.
Бирги классчыларның чуртталгазында база бир улуг ужур-уткалыг болуушкун. Чоокта чаа-ла, сентябрь 1-де, уруглар школаның эжиин ажыдып, үжүглелди холунга тутканнар.
Бо үе дургузунда уруглар, оолдар өскүлээн, дыка хөй чүүлдерни билип ап, баштайгы бергедээшкиннерни ажып эрткеннер. Олар баштайгы сөстерни, домактарны, кыска чугааларны, шүлүктерни номчуп, ырларны ырлажып өөренгеннер.
Үжүглел номун төндүр өөренип, үжүк-бижикти билип алганы – уругларның оруунда база бир чедиишкини.
