Өөрениринге эптиг национал хептиг

    0
    2

    Тываның Баштыңы Шолбан Кара-оол бөгүнгү аппарат хуралынга тыва национал хепти чүгле байырлалдарда эвес, хүн-бүрүде кедер эптиг хеп кылдыр ажыглаарын саналдаан.

    Өвүр кожууннуң өөредилге адырының албан черлери тыва улустуң байырлалы Шагаа келирге-ле чыл санында школаларда болгаш уруглар садтарында уругларга боттарынга тааржыр, өөрениринге эптиг идик-хепти даарадып кедип турарын кожуун чагыргазының даргазы Аржаан Ооржак соцчеткиде бодунуң арынында бижээн.

    – Ада-иелер уруг-дарыынче кичээнгейни салып, башкылар тыва улустуң чаңчылдарын класс шактарында болгаш янзы-бүрү хемчеглерде чугаалап, таныштырып турар. Ол дээрге башкыларның болгаш ада-иениң быжыг харылзаазы деп билип турар мен.

    Кожууннуң өөредилге черлериниң дерилгелери база онзагай дээрзин демдеглээр-дир мен. Уруглар садтарының кижизидикчи башкылары болгаш школаларның башкылары Шагаада эки белеткенген.

    Реклама