Өрт үезинде амызындан чарылган

    0
    0
    Февраль 3-те Красноярск хоорайга озал-ондактыг болуушкун – автомобиль артык кезектерин садып-сайгарар шыгжамырга өрт болган.
    Өрт үезинде үш өртчү болгаш бүдүрүлгениң ажылдакчызы чок болган.

    Артык кезектер садар шыгжамырның амызындан чарылган ажылдакчызы 22 харлыг, Тыва чурттуг Алдын-Херел Алексеевич Сат болган дээрзи билдинген.

    Тываның Баштыңы Шолбан Кара-оолдуң даалгазы-биле республиканың кадык камгалал сайыды, күш-ажыл болгаш социал политика сайыды когараан кижиниң төрелдеринге дузаны көргүзүп эгелей берген.

    Амгы үеде Тываның Кадык камгалал яамызы Красноярск крайның Кадык камгалал яамызы-биле эмеглежип алгаш, өлген кижиниң мага-бодун аалынче чедирери-биле эмчи экспертизазының чорудулгазын далаштырып турар.

    Тыва Республиканың Күш-ажыл болгаш социал политика яамызы орнукшудулга үезинде когараан кижиниң өг-бүлезинге акша-төгерик-биле дузалаар.

    #Тываныңбаштыңы #Шолбанкара_оол #Красноярсккрай #Өртозал_ондаа #Кадыккамгалаляамызы #Күш_ажыляамызы #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
    Реклама