Өвүрнүң шоколады

    0
    3



    ✍🏻Өвүржүлер Шагааның бүдүү айында байырлалдың аъш-чемин баш бурунгаар белеткеп эгелей бергеннер. Өвүрнүң идепкейжи кыс чону чаңчылчаан манчы, буузадан аңгыда, тыва шоколад кылырын база шенеп эгелээннер. Хандагайтының «алдын холдуг» кыстарының бирээзи, хуу сайгарлыкчы Аржаана Ооржак Өвүрнүң сумуларындан келген херээжен эш-өөрүнге тыва шоколад кылырының мастер-клазын эрттирген.

    Тыва далган, тараа, ааржы холаан чаагай шоколадты канчаар кылырын көргүзүп тургаш, өөреткен. Ак, хүрең, кызыл-сарыг өңнүг, апельсин амданныг шоколадтарны кылгаш, шупту деңге чараштап хаптааннар. «Өвүрнүң шоколады» Шагаа байырлалында езулуг белек ол-дур.

    Өвүрнүң эрес-кежээ херээженнери ам боттары бажыңнарынга баргаш, ажы-төлүнге кылып шенээр дээш тарап чанганнар.

     

     

    Реклама