Байырлыг концерт-биле демдеглээн

    0
    20

    Россия Федерациязының Национал гвардиязының хүнүн Росгвардияның Тывада эргелели В.Ш. Көк-оол аттыг хөгжүм-шии театрынга улуг байырлыг концерт-биле демдеглээн. Ооң шала бетинде фотоделгелгени база салбырларның ок-чепсээниниң делгелгезин бараалгадып, девискээр органының удуртукчузу регионнуң массалыг информация чепсектериниң төлээлери-биле ужурашкан дээрзин Росгвардияның Тывада эргелелиниң парлалга албаны дыңнадып турар.

    Чалаткан бедик эрге-дужаалдыг аалчыларның – Тываның Баштыңы Шолбан Кара-оолдуң, Тыва Республиканың Дээди Хуралының Даргазы Каң-оол Давааның, күш структураларының удуртакчыларының болгаш албан чериниң хоочуннарының мурнунга эргелелдиң начальниги, полицияның полковниги Андрей Кука сөс алгаш, Росгвардия чаңчылдарга шынчы болуп, эрткен үени утпайн, хамаатыларның амыр-шөлээзиниң камгалалынга кажан кезээде турган болгаш турар-даа деп бүзүреткен.

    Улустуң болгаш алдарлыг артистерниң көргүзүглерин Тываның Чазааның үрер-хөгжүм, РФ-тиң Камгалал яамызының Кызылда 55-ки тускай мото-адыгжы (даг) бригадазының оркестрлериниң дириг хөгжүмү үдеп турган. Шериг албанныглар болгаш эргелелдиң ажылдакчылары албан-хүлээлгезинге шылгаралы дээш медальдар-биле шаңнаткан, а ол ышкаш Тываның Баштыңының өөрүп четтириишкин бижиктери-биле демдеглеткен.

    Реклама