Часкы малгаш-чар дивейн

    0
    5

    Тыва Республиканың Информатизация болгаш харылзаа яамызының дыңнадып турары-биле алырга, улуг суг үезинде почтаны болгаш социал төлевирлерни чамдык суурларга өске орук-биле чедирер. Чыл санында-ла регионнуң 37 сууру эрээн харның болгаш баткан доштуң түңнелинде өске арткан делегейден астыгып чыдып каар.

    Регионнуң муниципалдыг черлеринде бо суурларда ниитизи-биле 30 муңдан ажыг чурттакчылар чурттап турар, оларны 45 почтачы харыылап турар.

    Каа-Хем, Улуг-Хем база Тожу кожууннарга чагаа-хорааны болгаш пособиелерни өй-шаанда үзүктел чок чедирер дээш почта машиналарының чолаачылары ам-даа ажыттынмаан паром кежиглеринге ону чедирип турар, а хемни кежилдир почтаны регионнуң онза байдалдар албанының хемелеринге кежирип турар.

    – Пенсиялар болгаш пособиелер чедирилгези – Россияның Почтазының эң чугула социал хүлээлгелериниң бирээзи. Ынчангаш часкы малгаш-чарның үезинде почта чедирер айыыл чок оруктарның хевирлерин өөренип көрүп, харылзаа салбырларының ажылдакчыларынга инструктажты эрттирип турар бис – деп, Россияның Почта харылзаазының Тыва Республикада эргелелиниң директору Владимир Ревенко чугаалап турар.

    Реклама