Чылдың өөреникчизи – Елизавета Сухорослова

    0
    5

    Республиканың немелде өөредилге сайзырадыр төвү салым-чаяанныг уругларны илередип тывар Бүгү-российжи “Чылдың өөреникчизи-2021” деп мөөрейниң республика чергелиг чадазын организастап эрттирген.

    Бо мөөрейге чылдың-на республиканың эң-не салым-чаяанныг, угаанныг, чогаадыкчы, хөглүг уруглары киржип турар. Мөөрейниң киржикчилери янзы-бүрү шылгалдаларны эрттер: бодун таныштырар, төлевилелин камгалаар, оратор уран чүүлүнге мөөрейлежир, виртуалдыг экскурсия база мастер-класстар чорудар, ол ышкаш шупту моондактарны ажып шыдаар деп чүүлдү бадыткаар ужурлуг.

    Бо чылгы мөөрейге республиканың 13 кожуунундан база Ак-Довурак хоорайдан 14 өөреникчи киришкен. Шупту шылгалдаларны эрткен түңнелинде “Чылдың өөреникчизи-2021” деп атка Туранның № 1 ортумак школазының 9-ку классчызы Елизавета Сухорослова төлептиг болган.

    Елизавета бо мөөрейниң Россия чергелиг чадазынга Тывазын төлээлээр.

    Реклама