Дыңнадыгны канчаар киирерил?

    0
    4

    Тываның Информатизация болгаш харылзаа яамызы хамаатыларның киирген дыңнадыглары-биле хүннүң-не ажылдап турар.

    Хамаатыларның кандыг-бир чүүлге хамаарыштыр дыңнадыын 8(39422)2-58-04 ажыл телефонун, ол ышкаш «minsvyaz@rtyva.ru» электроннуг почта таварыштыр хүлээп ап турар.

    Ооң аңгыда видеохарылзааны «Zoom» капсырылга таварыштыр кожарда, дараазында үш бөдүүн базымны кылыр:

    — Харылзаа яамызының ажыл телефонунче долгаар;
    — бодун таныштырар;
    — айтырыының кол ужур-утказын кысказы-биле чугаалаар.
    Яамы ооң соонда видеохарылзааже үнер ай-хүнүн, шак-үезин айтып бээр.

    Харылзаа яамызынче дыңнадыгларны Күрүне ачы-дузазының чаңгыс аай порталын таварыштыр база чорудуп турар.

    2020 чылдың төнчүзүнде Тывада «Чон-биле удур-дедир харылзааның шөлчүгежи» деп система Күрүне ачы-дузазының порталында ажылдап эгелээн. Бо шөлчүгештиң дузазы-биле регионалдыг болгаш муниципалдыг эрге-чагырга органнарынга дыңнадыгларны берип болур.
    «Госуслуги. Жалобы» деп капсырылганы мобильдиг телефонга кииртип алгаш, дараазында айтыышкыннарны кылыр:
    1. Күрүне ачы-дузазының порталында хууда кабинедин ажыдып алыр;
    2. Дыңнадыынга айтырыгның кол ужур-утказын электроннуг хевирге бижиир.

    Тыва Республиканың Информатизация болгаш харылзаа яамызы дыңнадыгларны социал четкилерде база хүлээп ап турар:
    — «ВКонтакте» – https://vk.com/minsvyazrt
    — «Инстаграм» – https://www.instagram.com/minsvyaz.tyva/
    — «Фейсбук» – https://www.facebook.com/minsvyazrt

    Силерге эптиг болгаш таарымчалыг арга-биле айтырыгны, дилегни, дыңнадыгны киирип болур силер.
    Информатизация болгаш харылзаа яамызының ажылдакчылары 12 шак дургузунда харыылап бээр.


    Реклама