Фестиваль уламчылап турар

    0
    14

    Улусчу чогаадылга бажыңында үш дугаар хүн уламчылап турар “Тыва – бистиң өргээвис” фестивальдың бир кезээ – Тываның кожууннарының ус-шевер мастерлериниң делгелге-ярмарказы-дыр.

    Бо делгелге-ярмаркалардан Тываның булуң бүрүзүнден келген ус-шеверлерниң холдан кылган ажылдары – эм шынарлыг бальзамнар, ювелир каасталгалары, аргаан-даараан ажылдар, идик-хеп, кидис, кеш, дүктен кылыглар, ыяш, даштан чазаан эт-херекселдер дээш өске-даа онзагай чүүлдерни тып ап болур силер.

    Бөгүн, апрель 15-те, Эрзин, Кызыл кожууннарның болгаш Кызыл хоорайның чогаадыкчы коллективтери ТАР-ның 100 чылдаанынга тураскааткан концерттерин бараалгадып, ус-шеверлери ажылдарын делгээн.

    Даарта Улуг-Хем, Өвүр, Чөөн-Хемчик кожууннар солун концертинче база делгелгезинче найысылалдың чурттакчыларын чалап турар.

    Реклама