“Кадыкшылдың маршруду” Мөңгүн-Тайгада

    0
    3

    ТР-ниң Кадык камгалал яамызының планы езугаар Республиканың Уругларның кадыкшылга төвүнүң эмчи бригадазы «Кадыкшылдың маршруду» губернатор төлевилели-биле кожууннарже үнүүшкүннерни кылып эгелээн.

    Бо неделяда эмчи бригадазы ыраккы Мөңгүн-Тайга кожуунда ажылдап турар. Эмчилер Мөген-Бүрен биле Мугур-Аксы сумуларга четкеш, тускай эртемниг эмчи специалистер бичии уругларның кадыын хынап, улуг ажылды чоруткан.

    Дүүн, апрель 7-де, Бүгү делегейниң Кадыкшылга хүнүнде, Мугур-Аксының школачыларынга лекцияларны база эрттиргеннер.

    Эмчилер бөгүн Тоолайлыг сумузунда ажылын уламчылап турар. Кожуун эмнелгезиниң эмчилери база ада-иелер болгаш уруглар шынарлыг эмчи дузазы келгенинге аажок өөрүп турарлар.

    Реклама