Кызыгаарлаашкынны ужулган

    0
    3

    Республикада чаа коронавирус халдавырының байдалды экижээни-биле холбаштыр Тываның Баштыңы Шолбан Кара-оол аппарат хуралынга ТР-ниң Экономика яамызынга ниити чемненилге организацияларының (рестораннар, кафелер, столоваялар, буфеттер, орук кыдыының чемненилге черлери, барлар, ишкеш чиир черлер) болгаш уругларның ойнап-тоглаар төптериниң таптыг ажылдаарынга шаптараазын болуп турар кызыгаарлашкыннарны уштурун дааскан.

    Тыва Республиканың Чазааның 2021 чылдың март 19-та хүлээп алганы “Күштелдирген белеткелдиң байдалында Тыва Республиканың девискээринге организацияларның болгаш хууда сайгырлыкчыларның ажыл-агый чорударының Дүрүмнеринде 2 пунктуга өскерилгелер киирериниң дугайында” № 135 доктаалынга дүүштүр:

    — ажылдакчыларның COVID-19-тан тарылга эрткен-эртпээни хамаарылга чокка, ниити чемненилге организацияларындан (рестораннар, кафелер, столоваялар, буфеттер, орук кыдыының чемненилге черлери, барлар, ишкеш чиир черлер) ажылдаар үе-шагының талазы-биле кызыгаарлаашкынны ужулган;

    — уругларның ойнап-тоглаар төптеринге, компьютер залдарынга болгаш ындыг чергелиг ачы-дуза чедирип турар өске-даа объектилерге 2,5 дөрбелчин метрге 1 кижи турарының дугайында кызыгаарлаашкынны ужулган.

    Күштелдирген белеткелдиң үезинде СП 3.1.3597-20 санитар-эпидемиологтуг дүрүмнерниң 4.4 пунктузунда көрдүнген санитар-эпидемиологтуг (профилактиктиг) хемчеглерни ыявыла сагыыр:

    — доктааткан чурум ёзугаар оран-саваның агаарын хора чок болдурары;

    — дезинфекция херекселдерин ажыглап, оран-саваның шык ашталгазы;
    — оран-саваны агаарладыры;

    — хууда болгаш ниитиниң арыг-шеверин сагыырынга байдалдарны тургузары;

    — холдарны аштап-арыглаарынга харылзаа-холбаа чок санитайзерлерни тургузары;

    -ажылдакчыларга болгаш келген кижилерге масканы кедериниң чуруму база 1,5 метр социал ыракшылды сагыыры;

    — хууда камгалалдың, дезинфекция херекселдериниң, кешке ажыглаар антисептиктерниң 5 хонуктан эвээш эвес курлавырын хандырары.

    Реклама