Май 22-ден тура 192 кижи когараан

    0
    2



    ✍🏻Росхереглелхайгааралдың Тыва Республикада эргелели биле регионнуң Кадык камгалал яамызының январь 31-де сан-медээзи-биле алырга, сөөлгү хонуктарда 22 аарыг кижи, ооң иштинде Covid-19-тан аарааны бадыткаттынган 8 кижи экижээн.

    Сөөлгү хонуктарда лабораторияга шинчилээр арга-биле 12 чаа таварылганы илереткен, ооң иштинде аарыгның им-демдээ чок 6 таварылга: Кызылда – 6, Каа-Хем кожуунда – 3, Кызыл кожуунда – 1, Таңдыда – 2.

    Бо чылдың эгезинден тура халдавырны чыпшырганының шупту 622 бадыткаттынган таварылгазы бүрүткеттинген.
    Кызылдың чыттырып эмнээр госпиталында 37 кижи берге байдалдыг чыдар. Хостуг орун-дөжек фондузу 44 хуу болуп турар.

    2021 чылдың январь 1-ден тура чыттырып эмнээр госпитальга аарыын кедередип алгаш келгеш, Covid-19-тан өлүп-хораар 18 таварылга тодараттынган. Өлген кижилерниң хар-назыны 47-ден 81 хар үези. Оларның ийизи чүрек-дамырның, чигир аарыының, өкпе-тыныштың, көрүш органы баксыраан хоочураан дапкырлаан аарыгларлыг кижилер болган.

    Май 22-ден тура чаа коронавирус халдавырындан 192 кижи когараан.

    Тыныш органнары аараанының им-демдээ көстүп кээри билек-ле эмчини доп-дораан кыйгыртыр, ооң сүмелерин ыяк сагыыры чугула.

    Реклама