Сургуулдарга «блокада хлевин» үлээн

    0
    1

    Кызылдың экономика болгаш эрге-хоойлузу техникумунуң сургуулдарынга республиканың национал библиотеказының ажылдакчылары «Блокада хлеви» деп сактыышкын акциязын организастаанын @tmgnews17 дыңнадып тур.

    Библиотеканың ажылдакчылары Ленинград хоорайга Гитлер кандыг коргунчуг салым-чолду белеткеп турганын, совет чон аш-чуттуг 872 хонук бүзээлээшкин хүннерин ажып эрткенин чугаалап бергеннер.
    Бүзээлээшкинниң эң-не берге хүннеринде чонга үлеп турган хлебтиң үлүү 125 грамм турган. Амгы аныяктар ол коргунчуг болуушкуннуң халавын билип, сактып чорзун дээш, «блокада хлевин» көргүзүп тайылбыраан.

    Хемчегниң төнчүзүнде сургуулдар-биле Ленинградтың бүзээлээшкининиң дугайында номнар сайгарылгазын кылгаш, «блокада хлеви» болгаш хуудустарны үлээн.

     

     

    Реклама