Төлептиг салгалды ам белеткээр

    0
    1

    Дүүн, Россияның хамааты авиация хүнүнде, Тываның кадеттер корпузунуң кижизиттирикчилеринге Кызылдың аэропортунга экскурсияны эрттирген.

    Кадеттерге авиацияның техниктиг талазын эки билип алзын дээш аэропортуң техниказын, ооң хандырылгазын таныштырган.

    Аэропорт – нарын механизм, анаа пассажирлерге улуг ажылдың чүгле биче кезээ көстүр.

    Экскурсияның ачызында кадеттер ооң чажыттарын билип алганнар. Оолдарга сонуурганчыг болганы, оларның салып турган айтырыгларындан билдингир болган. Специалистер күзелдии-биле айтырыгларга харыылаан. Оолдарның чамдыызы келир үеде амыдыралын авиация-биле холбаар-даа чадавас.

    Авиацияның мергежилдерин нептередиринге шак-ла мындыг экскурсиялар улуг рольду ойнап, төлептиг салгалды амдан эгелеп белеткээри чугула дээрзин регионнуң Орук-транспорт комплекизиниң яамызы демдеглеп турар.

     

     

    Реклама