Тоолдуң чажыды

    0
    0

    Тоолдаар чаңчылды сайзырадыры-биле Шагаа байырлалынга тураскааткан “Тоол болгаш тоолдуң чажыды” деп тоолчулар кежээзи Тыва үндезин культура төвүнге болуп эрткен.

    Тоол – өгбелеривистиң аас чогаалының бир онзагай хуулгаазын хевири. Шагаа бүдүүзүнде чаңчыл аайы-биле хүндүткелдиг тоолчу кижи узун тоолун ыдып, даңның башкы херелдерин уткуп, өгнүң иштинге тоолду дыңнаан кижилерниң кичээнгейин хаара тудуп, бир-ле хуулгаазын аян-шинчини тургузар турган. Тоол ыдар чаңчылды сайзырадыры-биле ажыл моон-даа соңгаар уламчылаарынга идегээр бис.
    Дээди шаңналга “Тыва” бөлүүнүң хөгжүмчүзү Айдаш Барыңмаа, I черге –Тыва национал оркестрниң хөгжүмчүзү Лопсан Мундукай, II черге – Тыва Республиканың ойнаар-кыстар театрының артизи Буян Сарыглар, III черге –Сүт-Хөл кожууннуң төлээзи, Хөр-Тайга ортумак школазының башкызы Марина Ооржак олар төлептиг болган.

    “Кыска тоол күүселдези” – Хөр-Тайга ортумак школазының 10-гу клазының өөреникчизи Алдын-Сай Саая, “Маадырлыг тоолдуң кызымак күүселдези” –Кызылдың башкы институдунуң 1-ги курузунуң сургуулу Аюна Седен,
    “Чогаадыкчы күүселде” – Тыва национал оркестрниң хөгжүмчүзү Айлаңмаа Дамыраң.

    Мөөрейни эрттиреринге дуза-деткимчени чедиргени дээш Тыва Республиканың культура яамызынга четтиргенин Тыва үндезин культура төвү илередип турар.

     

    Реклама