Тыва театрда “Янтарь чинчилер”

    0
    2

    Тываның В. Көк-оол аттыг национал хөгжүм-шии театрында “Янтарь чинчилер” деп чаа шииниң белеткел ажылдары кидин түлүк чоруп турар. Чаа шиини Саяна Өндүрнүң “Хааннар шынаазының тоолчургу чугаалары” деп уран-чечен чогаалынга үндезилеп тургускан. Авторну ол чогаалды бижииринге “Аржаан-2” базырыктарындан тывылган скиф үезиниң алдын тывыштары сорук киирген.

    Чаа шииниң режиссер-тургузукчузу – Россияның, Калмыкияның база Азербайджанның уран чүүлүнүң алдарлыг ажылдакчызы Борис Манджиев. “Янтарь чинчилер” деп шии бүрүнү-биле “мюзикл” аянныг хөгжүмнүг шии болур деп режиссер дыңнаткан. Шииниң хөгжүм кезээнге бүрүнү-биле национал аян киирген композицияны ажылдап кылган. А танцы-самын аныяк хореограф-балетмейстер Буян Мылдык тургузар.

    Театр уран чүүлүнүң мөгейикчилери чаа шиини март айда көрүп болур.

    Реклама