ТЫВАНЫҢ БАШТЫҢЫ-БИЛЕ «ДОРТ ЧУГАА»

    0
    4

    Тываның Баштыңы-биле дорт эфирге, Кызыл хоорайның кудумчуларында болгаш каът бажыңнар девискээринде өзүп-көвүдеп турар черлик ыттарга хамаарыштыр айтырыгны база салган.

    Ээзи чок, черлик ыттарны тудуп баглаар болгаш тускайлаттынган черлерге азыраар талазы-биле ажылды чурумчудар, немелде хоргаадал черлерин ажыдар, НКО — Коммерциялыг эвес хөй-ниити организациялары-биле кады ажылдажылганы чорудар, Күрүне деткимчези грант акша-хөреңги үндүрүп бээр хемчеглерни күштелдирерин Тываның Баштыңы дынаткан. Бо бүгү ажылдарга келир 2022 чылда 8 сая рубльди аңгылаан. Оон аңгыда, Тыва Республиканың Көдээ ажыл-агый яамызынга черлик ыттарны тудар талазы-биле эрге-хоойлу айтырыгларын база ажылдап кылыр даалганы бергенин Тываның Баштыңы Владислав Ховалыг чугаалаан.

    Черлик ыттарның аразында ээзиниң хайгааралы чок болгаш улусче халдап, черлик ыттарны дүвүредип турар ээзинге кагдырган «дөрт даванныг өңнүктер» база бар болуп турар. Мындыг таварылгада ыттарның ээлери административтиг торгаалга, а бир эвес ыт бир-ле кижини ызырган болза, кеземче херээнге онаажып болурун база сагындырып каары артык эвес.

    Реклама