Ушу школазы ажыттынар

    0
    0

    Кызылдың 17 дугаар лицейиниң баазазынга ушу школазы ажыттынарын @tmgnews17 дыңнадып тур.

    2020 чылда Кызыл хоорайның мэриязы социал ужур-уткалыг төлевилелдерни боттандырып турар коммерциялыг эвес организациялар аразынга мөөрей чарлаан, аңаа 25 организация киришкен. Оларның аразындан эң-не тергиин 6 төлевилелди шилип алган.

    Тиилекчилерниң бирээзи Роберт Күнзектиң удуртуп турары Тываның ушу федерациязы «Школага боттарывыстың Ушу төвүн тургузаалы!» деп төлевилелди киириштиргеш, 400 муң рубль шаңналга төлептиг болган. Акша шаңналындан аңгыда, федерацияга Кызылдың 17 дугаар лицейиниң баазазынга оран-саваны база аңгылап берген.

    Амгы үеде септелге ажылдары адакталып турар, спорту болгаш офис дериг-херекселин эккеп алган. Чоокку үеде школага баштайгы өөредилгелер эгелээр.

    #Тываныңушуфедерациязы #Спорт #Ушушколазы #Роберткүнзек #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

    Реклама