Ыраажының уян үнүнге тураскааткан

    0
    6

    Республика чергелиг «Айлаң кужум» деп мөөрейге каш удаа шылгараан, кайгамчыктыг ховар уян үннүг ыраажы чораан Дозураш Монгуштуң чырык адынга тураскааткан эстрада ырыларының мөөрейи Хандагайтының Г. Тумат аттыг Культура бажыңынга болуп эрткен.

    Мөөрейге Тываның аңгы-аңгы кожууннарындан ниитизи-биле 22 ыраажы киришкен. Дээди шаңналга Чеди-Хөл кожуундан Далай Дамдын төлептиг болган. Мөөрейниң бирги лауреадының шаңналын Өвүрден Кежик Дарый-оолга тывыскан.

    Мөөрейниң кол деткикчилери Дозураштың чаңгыс классчылары, Хандагайты ортумак школазының 1997, 1998 чылдарда доозукчулары, Дозураштың өөнүң иштиниң төрелдери, даай-авазы Роза Саттың өг-бүлези киржикчи бүрүзүнге тускай белектерни тудускан.

    Өвүр кожууннуң чагыргазы мөөрейниң кыс киржикчизи Айдаанага белекти берген. Культура бажыңының ажылдакчылары мөөрейниң киржикчилерин, келген аалчыларны, деткикчилерни хүндүлеп, шайын кудуп, амданныг аъш-чеми-биле ашкарып-чемгерип хүндүлээн.

    Реклама