ТР-ниң Дээди Хуралының хораазының даргазы Белекмаа Мунге Тываның Чазааның 2024 чылда ажыл-чорудулгазының түңнелдериниң дугайында
– Тываның Баштыңы Владислав Ховалыг эрткен республикада Өг-бүле чылы болгаш Тыва Арат Республиканың ССРЭ-ниң составынче эки тура-биле каттыжып киргениниң 80 чыл оюн демдеглеп, байырлыг хемчеглерни эртиргенин демдегледи.
Төөгүлүг шилилге бот-догуннаан күрүнеге, ооң келир үеде социал-экономиктиг болгаш культура-төөгүлүг хөгжүлдезинге улуг салдарлыг болган.
1944 чылда, дайын чылдарында, Тыва улуг Россияның кезээ апарган. Тыва эки турачыларның дугайында база бистиң чонувустуң фронтуга дузазының дугайында төөгүлүг сактыышкын кол үнелиг чүүлүвүс болган болгаш болуп артар.
Совет Эвилелиниӊ Ада-чуртунуӊ Улуг дайыны эгелээрге Тываныӊ эки турачылары Совет Армияныӊ дайынчылары-биле кады Украинаныӊ хоорайларын болгаш суурларын хосташкаш, төрээн чуртунче чанып келгеннер.
Амгы үеде база эки турачы маадырларның эрес-дидим салгалдары болгаш чаңгыс чер чурттуглары тускай шериг операциязында Ада-чуртту камгалаарын уламчылап турар.
