Бай-Хаак ортумак школазынга ада-ие комитеттериниң даргаларының хуралы болуп эрткен. Хуралдың киржикчилери школа амыдыралының кол-кол адырларын сайгарып чугаалашканын республиканың немелде өөредилге сайзырадыр төвү дыңнаткан.
Өөредилге адыры; Школа биле өг-бүлениң харылзаазы; Профилактиктиг хемчеглер.
Дараазында темалар аайы-биле ниити өөредилге:
Назы четпээннерниң болгаш ада-иелерниң орук шимчээшкининиң дүрүмнерин хажытканда, харыысалгазы;
Корум-чурум үрээшкиннерин болдубас дээш база назы четпээннерниң хайгаарал чок чоруунга хамаарыштыр профилактиктиг хемчеглер;
Школачыларның кижизидилгезинде өг-бүлениң ролю.
Ол ышкаш кеш аарыгларының эмчизи кадыкшыл темазынга профилактиктиг чугааны кылган.
Ужуражылганың түңнели – ада-ие комитединиң кежигүннери сырый кады ажылдажылга дугайында дугуржуп, уругларның айыыл чок чоруунга хамаарыштыр тодаргай хемчеглерни чугаалашкан. Чижээлээрге, «Камгалакчы» капсырылганы ада-иелерге ажыглаары-биле киирер. Программаның ачызында уругларның өөредилге үезинде интернет четкизинче кирип турарын хайгаарап болур.
Ада-ие комитеди: Уругларның айыыл чок чоруу болгаш планнар
5 марта 2026
4