Тываның аграрлыг класстарында часкы ажылдар сезону эгелээнин республиканың немелде өөредилге сайзырадыр төвү дыңнаткан.
Балгазын суурда база Чадаана хоорайда школаларның өөреникчилери практиктиг ажылдарда хаара туттунган.
Школачылар 2,5 муң үнүштү тараан, оларның аразында перец, томат болгаш янзы-бүрү чечектерниң хевирлери бар.
Бо бүгү ажылдар «Агроүлетпүр комплекизинде кадрлар» федералдыг төлевилел болгаш «Аъш-чемниң айыыл чок чоруунуң технологтуг хандырылгазы» национал төлевилел езугаар чоруттунуп турар.
Бистиң ышкаш агроүлетпүр комплекизи хөгжүлдениң эчис сорулгалыг угланыышкыны болуп турар регионга боттарының кадрларын белеткеп алыры чугула черни ээлеп турар.
Аныяк аграржыларның планы – чүгле үнүштерни ажаар эвес, а культураларны өстүреринге шенелде ажылдарны чорудары болгаш чер ажыл-агыйынга хамаарыштыр авторлуг методикаларны ажылдап кылыры.