Ай санаашкыны-биле Чаа чылды – Шагааны байырлаар хемчеглер программазы

Тывада ай санаашкыны-биле Чаа Чыл – Шагааның байырлал хүннеринде 800 ажыг культура-массалыг хемчеглер эртер. Частың башкы айы дүжерин санап, ооң хүнүн чылдың-на тодарадыр. Бо чылын чон Шагаа хүнүн февраль 10-да байырлаар.

Февраль 10-да 12.00-13.30 шактарда Кызылдың Арат шөлүнге эң хөй киржилгелиг театржыткан көргүзүг биле Шагааның концерти болуп эртер.

А.С. Пушкин аттыг Националном саңынга келген чон аразынга кажыкка «Аът чарыжы»;

07.00 шакта – «Кадарчы» тураскаалдың, «Дөгээ» даанга, Культура болгаш дыштанылганың Национал парыгынга, «Тубтен Шедруб Линг» хүрээниң чанынга «Саң салыр» езулалдар;

10.00 шакта – Аныяктар ордузунга «Шагаа-2024» чоннуң байырлалынга тураскааткан тыва шыдыраага эр болгаш херээжен спортчулар ортузунга «Хөл-шыдыраа» республика маргылдаазы;

12.00 шакта – Арат шөлүнге Кызылдың чогаадыкчы коллективтериниң киржилгези-биле «Улу чылы, амыр-менди, курай!» деп театржыткан көргүзүг;

12.00 шакта – Арат шөлүнге база аңгы-аңгы шөлдерге тыва оюннар программазы: «хендирбе сый шавары», "тевек тевери", "даш көдүрери", "аът шалбадаары", «буга шыдыраа», «сыдым октаары»;

13.00 шакта – Тываның күрүнениң ойнаарактар театрының «Сайын эр» деп шиизи;

16.00 шакта – В.Көк-оол аттыг Национал театрга «Шагаавыста чолукшуулу» концерт;

12.00 шакта – Культура хөгжүлдезиниң төвүнге «Шагааның национал оюннары» культура-массалыг хемчег;

18.00 шакта – Тыва үндезин культура төвүнге «Шаг чаагай – Шагаа чаагай!» концерт.