Ак-Довурак хоорайдан Алена Апаандай биле Андрей Кууларның өг-бүлези эът садыын ажыдып алганын чагырга чери дыңнаткан.
Социал керээге үндезилээн күрүне деткимчези-биле (350 000 рубль) дериг-херекселдерни садып алгаш, ажыл-херээн эгелээн.
Андрей Куулар тускай шериг операциязының киржикчизи. Ол хууда ажыл-херээн ажыдып алыр дээш, хоорайның Чонну ажылга хаара тудар төвүнче документилерин дужаап, комиссияга төлевилелин ажыктыын тайылбырлап, шынзыдып шыдаан.
Эгелеп чоруур сайгарлыкчыларның садыында хайындырарынга белен аъш-чем: амданныг манчы, бууза, тырткан эът, манчылыг мүн, котлета, тефтельдер, үскен далган, эът аймаан садып турар.
Экологтуг арыг аъш-чемни хоорайжылар күзелдии-биле садып ап, чаңгыс чер чурттуун деткип турар.
Ак-Довуракта ажыл-биле бот-хандыртынган сайгарлыкчыларның саны өзүп турарын чагырга чери медеглээн.
