Россияның Чазак Даргазының оралакчызы Александр Новак бүгү чуртта болгаш элээн каш регионнарда бензин рыногунда бензин болгаш дизель өртээн өстүрген таварылгаларга хамаарыштыр хуралды эрттирген.
Тверь, Тамбов, Новосибирск, Нижегород областар, Алтай край база Бурятия, Хакасия, Саха (Якутия), Тыва республикалар ындыг регионнар санынче кирген.
Федералдыг чазактың сайтызында дыңнадыгда, Александр Новакка эрткен хуралда, көдээ ажыл-агый бараан бүдүрүкчүлерин болгаш одаар чүүлдүң соңгу чүк сөөртүлгезин кывар-чаар чүүл-биле хандырарынче онза кичээнгей салдынган деп бижээн. Адырның хереглелинге дүүштүр чер ажылдыгларның дүжүт ажаар техниказынга кывар-чаар чүүл-биле хандырылга чоруп турары демдеглеттинген. Соңгу чүктүң сөөртүлгези-биле кывар-чаар чүүл хандырылгазы план езугаар чоруп турар.
Регионнарда одаар чүүл рыногунда өртектер тургузуушкунун монополияга удур албан хайгаарап турарын Чазак Даргазының оралакчызынга дыңнаткан. Херек апарза, чогуур хемчеглер алдынып турар.
Александр Новак хуралдың түңнелдери-биле эрге-чагырганың харыысалгалыг федералдыг органнарынга, регионнар удуртукчуларынга болгаш адырның компанияларынга иштики одаар чүүл рыногунда байдалдарны база өртектерни хайгаараар, төнчү хереглекчилерге нефть продуктуларының үзүктел чок хандырылгазын чедип алыр дээш кады ажылдажылганы дүүштүрер ажылдарны уламчылаарын дааскан.