Иштии-Хем сумузунга Ада-чурт камгалакчызының чылынга тураскааткан Улуг-Хем кожууннуң уруглар садтарының аразынга спортчу маргылдаалар болуп эрткенин чагырга чери дыңнаткан.
Артыы-Хем деп кайгамчык каас-чараш бойдустуг черге Шагаан-Арыг хоорайның "Дамырак", "Тоол", "Бодаган", "Хүнчүгеш", Чаатының "Чодураа", Арыг-Үзүүнүң "Теремок", Торгалыгның "Чечек" уруглар садтарының командалары киришкен.
Эрткен чылгы спартакиаданың тиилекчилери "Челээш" уруглар садының командазы күрүне туктарын көдүрер езулалга киришкен.
Командалар турисчи кокпа езугаар бергелерни эртип, паштанчылар, салым-чаяанныглар, "турлаг каасталгазы" мөөрейлерге көрүкчүлерни кайгадып, хол бөмбүүнге ойнап, аргамчы тыртарынга күжүн шенежип, шыырак белеткенгенин көргүскеннер.
Бирги-ийиги черлерни Шагаан-Арыгның "Хүнчүгеш" биле "Дамырак", үшкү черни Арыг-Үзүүнүң "Теремок" уруглар садтары тус-тузунда чаалап алганнар.
Аяңга мага-хандыр дыштанып, мөөрейлежип келген аалчыларны Иштии-Хемниң эптиг-демниг коллективтери аяк-шайлыг уткуп, хүндүлээн.
Тиилекчилерни шаңнап-мактаан, спортчу хемчег бедик деңнелге эрткен.