Бии-Хем кожууннуң Аржаан школазының президентизи, 9-ку класстың тергиин эки өөреникчизи Дарья Күскежиктиң шаңналы дээш школачылар аразынга кожуун чергелиг хол бөмбүүнүң маргылдаазы болуп эрткенин чагырга чери дыңнаткан.
Маргылдаага 19 команда киришкен. Хол бөмбүкчүлери школазының ат-алдары дээш, боттарының командалыг сеткил-соруун көргүскеннер.
Оолдар аразынга Туран школазының, уругларның чыынды командалар аразынга Аржаан школазының төлээлери чайынналчак тиилелгени чедип алган.
Ийиги черни Аржаан школазының оолдары, Өөктүң уруглары чараш болгаш техниктиг оюну-биле чаалаан. Үшкү черге Туранның 2 дугаар школазының оолдары, Сөөштүң уруглары тиилекчилер одуруунче чоргаар кирген.
Шаңналдыг черлерже кирген командаларны Аржаан школазының президентизи медальдар, хүндүлүг бижиктер, өртектиг белектер, «Спортмастер» садыының сертификаттары, профессионал хол бөмбүктери болгаш дириг хойлар-биле шаңнаан. Маргылдаа үезинде чараш болгаш чараш, техниктиг оюнну көргүскен бедик мергежилдиг спортчуларга тускай шаңналдарны база тывыскан.
Аржаан суму чагыргазының удуртулгазы Дарьяның ада-иези Херел Эдуардович и Анастасия Александровнага, төрел аймаанга маргылдааны бедик деңнелге эрттиргени дээш четтиргенин илереткен.