Бии-Хем кожуунда малчын турлагларже комплекстиг унуушкуннер уламчылап турарын чагырга чери дыннаткан.
Кожууннуң чагырга даргазы Алдай-Мерген Ховалыг, көдээ ажыл-агый килдизи, Аржаан суму чагыргазының удуртулгазы Шагаа бүдүүзүнде малчыннарга аалдап чедип, кыштаглаашкынның байдалын хынап көрген.
Үнүүшкүннер үезинде малдың деңгелин, сиген-ширбиил курлавырын, харның кылынын, малчын коданнарже оруктарның байдалын хынап, профилактиктиг чугааны чоруткан.
Аржаанның, Чкаловка арбанының малчыннарында кыштаглаашкын эки эртип турар. Мал эмчилери малдың күш-шыдалын көрүп, ветеринарлыг дузаны чедирген.
«Бистиң сумунуң көдээ ишчилери мал кыштаглаашкынын чидириг чок эртер дээш сиген-ширбиилин чедер кылдыр белеткеп алган. Хой оолдаашкыны база чогумчалыг чоруп тур» - Аржаан суму чагыргазының даргазы Екатерина Тулуш дыңнаткан.
Аалчылар чаларап кээр Аът чылы бүгүдеге экини хайырлаарын күзеп, малчыннарга Шагаа сөңүн дамчыткан.