Тыва үндезин культура төвүнүң ажылдакчылары солагай талакы эриктиң чурттакчы чонунга "Ажык шөлге ойнап, хөглээлиңер" деп мерген угаадыглыг оюннарының мөөрейин эрттиргенин төп дыңнаткан. Ук хемчегни арага-дарыга болгаш наркотиктиг бүдүмелдерге удур профилактиктиг сорулга-биле чыл санында эрттирип турар.
Оюннарга чурттакчы чоннуң идепкейи тергиин болган. Оон аңгыда, өг-бүлелери-биле изиг күзелдиг киржип турарын төп демдеглээн.
Оюннарның түңнелдери
Кым дүрген?
1 черни – Яна Хорбаа, 10 харлыг;
2 черни – Сабина Саая, 10 харлыг;
3 черни – Чайнаарак Уванзай, 11 харлыг.
Аас чогаал мөөрейи
1 черни – Аяна Кертик-оол, 42 харлыг;
2 черни – Нелли Ондар, 37 харлыг;
3 черни – Алдын-Кыс Натпит-оол, 75 харлыг.
Кажыкка аът чарыштырар
1 черни – Алик Хертек, 39 харлыг;
2 черни – Айслан Хертек, 9 харлыг;
3 черни – Меңги Кертик-оол, 42 харлыг.
Сыдым октаары
1 черни – Алик Хертек, 39 харлыг;
2 черни – Чолдуг-оол Донгак, 49 харлыг;
3 черни – Кежик Өлзей-оол, 26 харлыг.
Аът бажынче дээрбек октаары
1 черни – Аюр Ондар, 9 харлыг;
2 черни – Сундуй Арапчор, 10 харлыг;
3 черни – Сүбедей Арапчор, 12 харлыг.
Мөөрейниң киржикчилери амыдыралга, аал-оранга ажыктыг улуг өртектиг белектер-биле шаңнатканнар.
Тыва үндезин культура төвүнүң ажылдакчылары тыва ёзу-чаңчылдарывыс, мерген угаадыглыг оюннарывыс, бай-байлак аас чогаалывыс салгалдарга дамчып чоруурун күзээн.
