Бөгүн Бүгү делегейниң эмчи сестразының профессионал байырлалы. Эмчи сестралары кадык камгалал адырында чугула черни ээлеп, аарыг кижилерни хайгаарап, үе-шаанда эмнерни сыкыртып, эмчилерниң даалгазын хажык чокка күүседип турарлар.
Республиканың 2 дугаар эмнелгезинде кадыкшылын экижидип, эм-домну үргүлчү ап турар улус процедура кабинединиң эмчи сестразы Елена Ооржактың ажыл-ижинге кызымаккайын, мергежээнин эскерип, бо-ла чугаалажы бээр.
Ак сеткилдиг, эвилең-ээлдек, холу чымчак эмчи сестразы дамырдан анализ алырда-даа, эм салырда-даа, дамырны дораан тып алыр. Чамдыкта хүндүскү салбырда эмнедип турар улус безин «өөренген эмчивис» дээш дилеп алыр.
Елена Ооржак Кызылдың эмчи училищезин дооскаш, ук эмнелге албан черинде 1997 чылдан бээр ажылдап чоруур. Бирги категорияның эмчи сестразы. Ол эмнелгениң хөй-ниити ажылдарынга доктаамал киржир.
Үр чылдарда үре-түңнелдиг күш-ажылы дээш, ТР-ниң Дээди Хуралының, Кадык камгалал яамызының база РФ-тиң Кадык камгалал яамызының Хүндүлел бижиктери-биле шаңнаткан.
Блогеров из Республики Тыва приглашают в «Министерство контента» проекта «ТопБЛОГ»
Жителей Республики Тыва приглашают принять участие в треке «Министерство контента» – уникальной программе Всероссийского проекта «ТопБЛОГ» Президентской платформы «Россия – страна возможностей».
