Тывада Масленица неделязының сөөлгү хүнүн чаңчыл езугаар, улусчу байырлалдар-биле демдеглеп эрттирген. Чон кышты өөрүшкүлүг үдеп, үрде манааны часты уткаан.
Аржаан сумузунга Масленица неделязының сөөлгү хүнүн оюн-тоглаа, ыры-шоор, сам база спортчу оюннар-биле демдеглеп эрттирген.
Байырлалының эң-не «амданныг» кезээ – чаагай блиннер быжырары. Блиннер хүннүң болгаш частың моорлап келгенин илереткени ол. Масленицаның киржикчилери блиннерниң аңгы-аңгы хевирлерин быжыргаш, орус чоннуң ажыл-агыйын, культуразын көргүскен булуңчугаштарны чогаадыкчы делгеп, таныштырылгазын кылганнар.
"Аленушка" уруглар садының коллективи байырлалга идепкейлиг киржип, тиилекчилер болган.
Кыштың хоюткузун өрттедиптерге, час бодунуң бүрүн эргезинче кирген. Чырык болгаш хөглүг, изиг шайлыг, чаагай блиннерлиг Масленица езулуг-ла байырланчыг сеткил-хөөннү оттурган.