Бии-Хем кожууннуң Аржаан сумузундан Солангы Быстан-оол биле Радик Лаажаптарның чеди ажы-төлдүг өг-бүлези эрткен чылын социал керээге үндезилээн күрүнениң деткимчезин алган.
Хөй ажы-төлдүг өг-бүле 100000 рубль деткимче-биле Малиновка арбанының малчыннарындан ийи инек, ийи бызааны садып алгаш, хууда дузалал ажыл-агыйының эгезин салган. Частың башкы айында бир инээ төрүпкен, кыс бызаалыг болган.
Аржаан суму чагыргазының эрттирген Чаа чылдың лотереязынга аныяк өг-бүле хойну ойнадып алган турган. Ол малы база төрүпкен. Өгнүң эр ээзи чолаачы мергежилдиг, кыс ээзиниң эртеми – орус дыл болгаш чогаал башкызы. Улуг уруу чедиги классчы, хеймери чаа-ла дөрт айлыг.
“Социал керээ” программазының киржикчилери артыкшылдыг сүдүн «Аржаан» көдээ ажыл-агый хереглел кооперативиниң сүт болбаазырадыр цегинче дужаап турар.
О расположении топливных складов и ценах на уголь на территории Кызыла
В Кызыле функционируют 14 топливных складов, предлагающих каменный уголь для населения.
