Тыва үндезин культура төвү V республика чергелиг Доңгак Окаанчык аттыг ыяштан чазаан биче хевирниң скульптура мөөрейиниң түңнелдерин чарлаан.
Беш хүн дургузунда 16 ус-шевер ыяштан онзагай ажылдарны чогаадып, могаг-шылаг чок ажылдаан.
Дээди шаңналды «Буга» скульптуразы (Арбак Хомушку) алган, ийи чер – «Элчиген кулактыг хаан» (Александр Ооржак), үшкү чер – «Дарган ажыл салгал дамчыыр» (Бадый Ондар).
Төлевилелди «Өг-бүле» национал төлевилелдиң «Өг-бүлениң үнелиг чүүлдери болгаш культураның инфратургузуу» федералдыг төлевилел чорудуу-биле «Россияның культура фондузу» бүгү-российжи ниитилел-күрүне организациязының грантызы-биле боттандырган.
