Тес-Хем кожууннуң Берт-Даг сумузунда бот-идепкейжи аныяктарның төвүнге «Чалыы физик» мөөрей болуп эрткенин республиканың немелде өөредилге сайзырадыр төвү дыңнаткан.
Уруглар угаан-бодал сайзырадыр мөөрейге онаалгаларны кылып, езулуг-ла нарын бодалгаларның байырлалынга киришкеннер.
Солун мөөрейниң түңнелинде 10 база 9 класстарның өөреникчилери бирги черни үлежип, боттарының шыырак билиин база шалыпкын угаан сайзыралын бадыткааннар. Ийиги черни 8-ки классчылар ээлээн.
Школаның коллективи физика башкызы Айнаш Ковей-ооловнага онзагай мөөрейни организастааны дээш четтиргенин илереткен. Физика эртеминге мөөрей школачыларның сонуургалын оттурган. Олар ам-даа чаа-чаа физиканың мөөрейлеринге киржир күзелин илереткеннер.