Тыва эвээш орулгалыг, хөй ажы-төлдүг өг-бүлелерниң бажыңнарынга өрттерни болдурбазы-биле, 2018 чылдан бээр автономнуг ыш медээчилерин тургузуп турар. Чеди чыл дургузунда 4300 ажыг ындыг херекселдерни салган.
ТР-ниң Күш-ажыл болгаш социал политика яамызының дыңнатканы-биле алырга, бо чылын 2151 медээчини салыры планнаттынган. Печка одаар бажыңнарда чурттап турар өг-бүлелерге өртке удур айыыл чок чоруктуң профилактика хемчеглерни күштелдирери чугула.
Автономнуг ыш медээчизи дээрге, өрээлде бичии-ле ышты дораан илередип, ыыткыр медээни бериптер херексел-дир. Ол чүүл кижилерге дүрген оттуп, айыылдыг черден үнеринге дузалаар.
Тываның Хамааты камгалал болгаш онза байдалдар херектериниң талазы-биле албаны квартира азы бажың бүрүзүнге ындыг медээчини тургузары – кижиниң амы-тынын камгалаарының дээштиг аргазы деп санап турар.
Күш-ажыл яамызының дыңнатканы-биле алырга, сентябрь 3-ке чедир муниципалдыг тургузугларда өг-бүлеге болгаш уругларга социал дуза төптеринче 1641 автономнуг өрт медээчизин үлээн, а арткан 420 херекселди удавас дамчыдар. Ук төптер тускай даңзыда өг-бүлелерге дериг-херекселдерни үлеп, бажыңнарынга салыр.
Кызылдың мэриязының дыңнатканы-биле алырга, 2026 чылдың эгезинден бээр хоорайга 100 автономнуг өрт медээчизин – 89 хуу бажыңнарда, 11 хөй квартиралыг бажыңнарда база малчын турлагларда салган.
Россияның Онза байдалдар яамызының Тыва Республикада кол эргелелиниң дыңнатканы-биле алырга, чыл эгезинден бээр регионга 757 бажың өрттери болган, аңаа беш кижи амы-тынындан чарылган, 44 кижи кемдээн. 23 уруг өрттеңнерни алган. Кол эргелел өртке удур айыыл чок чоруктуң дүрүмнерин шыңгыы сагыырынче, үрелген электри херекселдерин ажыглавайн, квартираларында болгаш бажыңнарында электри четкизин ажаап-карактаарынче хамаатыларны кыйгырган.
Ада-иелер ажы-төлүнүң айыыл чок чоруу дээш харыысалгалыг дээрзин өртке удур камгалал инспекторлары сагындырган. Уругларга өртке удур айыыл чок чоруктуң дүрүмнерин өөредип, чүгле улуг улус бар турда электри херекселдерин ажыглаарын тайылбырлаары чугула. Уруглар дүрген дузаның 112 дугаарын билир болур ужурлуг.
Явка на выборах в Туве на 15:00 третьего дня голосования составила 77,90%
По данным Избирательной комиссии Республики Тыва, на 15:00 20 сентября в голосовании приняли участие 161 335 избирателей — это 77,90% от общего числа зарегистрированных (207 092 человека).
