Аржаан школазының сески классчызы Үгер Донгак ТР-ниң Чазак Даргазының оралакчызы Алексей Сазан-оол-биле ужурашканын чагырга чери дыңнаткан.
Үгер Соок-Ирейден ТР-ниң Чазак Даргазының оралакчызының чымыштыг ажыл-ижин сонуургап, бедик эрге-дужаал ээлеп турар дарга-биле ужуражырын дилээн турган.
«Күзелдер шивизи» бүгү-росиийжи ачы-буян акциязының ачызында Аржаан сумузунуң чагырга чериниң удуртулгазы, адалар чөвүлелиниң даргазы, депутат Андрей Бичи-оол, клазының башкызы Сайзана Тюлюш элээдиниң күзелин боттандырган.
«Алексей Викторович бичии аалчызынга ажыл-ижин таныштырып, чагыг-сүмезин берген. Бистиң өөреникчивисти хүлээп алганынга өөрүп тур бис. Күзел «Күзелдер шивизи» акцияда 2022 чылдан тура киржип турар. Ол өзүп келгеш, төрээн кожуунун удуртуп, чагырыкчы болур күзелдиг» – деп, чагырга даргазы Екатерина Тулуш чугаалаан.
Үгер тергиин өөредилгелиг, хөй-ниитижи, чадаг чарышка кожуун чергелиг маргылдааларның тиилекчизи, тергиин аът мунукчузу.