Улуг-Хемниң идепкейжи хоочуннары — Шагаан-Арыг хоорайның ажылчын коллективтеринде болгаш сумуларда хоочуннар чөвүлелдериниң кежигүннери Ада-чурт камгалакчыларының хүнүн таварыштыр солун концертти бараалгатканын чагырга чери дыңнаткан.
Ыры-хөгжүм чаңгыланып, боттарының чогаатканы шүлүктерин сагыш-сеткилди доюлдур шүлүктеп, эрткен, амгы үелерниң темаларынга дүүштүр көргүскенин көрүкчүлер улуг сонуургал-биле көрүп магадаан.
Ачы-дуза концертинден кирген акша-төгерикти тускай шериг операциязында киржип турар дайынчыларже чорудар. Кожууннуң хоочуннар чөвүлелдери демнежип, буянныг үүле-херекти организастап эрттиргени чонга үлегерлиг.