Тывада «Өг-бүле» национал төлевилел езугаар ажы-төлдүг өг-бүлелерни деткиир күрүне программазы идепкейжээн. Чиигелделиг чуртталга чээлизиниң программазы чыл төнчүзүнге чедир уламчылаар. Бо чыл эгезинден 56 өг-бүле чылда 2 хуу чиигелделиг чээли керээзин чаргаш, чаа бажыңның ээлери болган.
ТР-ниң Тудуг яамызының дыңнатканы болза, республиканың чурттакчылары 470 билдириишкинни киирген, ооң 227-зин банкылар бадылаан. Чөпшээреттинген чээли алыкчыларның хөй кезии амгы үеде шимчевес өнчү рыногунда квартираларны идепкейлиг дилеп турарын албан чери демдеглээн.
Он ийи тудуг компаниязы бо хүнде программада киржип, 1877 квартираны садыглажылгаже салган.
«Өг-бүле ипотеказын» 6 хардан өрү назылыг, ийи болгаш оон хөй назы четпээн ажы-төлдүг, ол ышкаш инвалид уруглуг өг-бүлелер алырын сагындыраал.
Чаа тудуг рыногундан бажың садып алырынче чылда ийи хуу ставкалыг чээлини ап болур. Өг-бүле бюджединге чээли төлевирлери таарымчалыг болур кылдыр күрүне рынок өртээнге база чиигелделиг ставканың аразында ылгалга субсидияны дуглап турар.
Ийи хуу чиигелделиг ипотека-биле бажың садып ап турар өг-бүлелерниң саны өскен
5 марта 2026
4