Республика чергелиг «Сарадак» бичии хөөмейжилер мөөрейиниң төөгүзүнден.
Тыва Республиканың Улустуң хөөмейжизи 1928 чылдың март 2-де Сүт-Хөл кожуунуң Үстүү-Ишкин суурга ат-сураа билдингир дарганның өг-бүлезинге төрүттүнген. Маржымал Очуровичиниң авазы шыырак хам уктуг чораан, а даайлары болгаш акылары тоол ыдыкчылары, салым-чаяанныг хөгжүмчүлер, алдын холдуг ус-шеверлер. Хөөмейжи салым-чолдуң эдилекчизи кавайлыындан өпей ырлар, хам алгыштарын, тыва улустуң тоолдарын, ырыларын дыңнап өскени ооң иштики сагыш-сеткилинге, сагыш-сеткил көдүрлүүшкүнүнге, делегейже көрүүшкүнүнге улуг салдарлыг болган.
Маржымал Очуровичиниң бүдүрүмчелиг ажыл-чорудулгазы 1957 чылда Кызыл хоорайга республика чергелиг Бирги бот-тывынгыр уран чүүл фестивалындан эгелээн. Дараазында чылдарда Маржымал Очурович ус-шеверлер, хөөмейжилер, хөгжүмчүлер мөөрейлериниң идекпейлиг киржикчизи болу берген.
1975 чылда Маржымал Очурович республиканың ат-алдарлыг хөөмейжилери-биле кады эң баштайгы аас чогаалга үндезилеттинген «Сыгырга» бөлүүн тургусканнар. А 1980 чылда Маржымал Очурович «Сарадак» деп бичии хөөмейжилер бөлүүн тургускан. Оон эгелээш амгы үеге чедир «Сарадактың» үлегери-биле республика иштинге салым-чаяанныг уруглар бөлүктери элбээ-биле көсүп келген.
Маржымал Ондар бичии уругларга хөөмей делегейинче орукту ажыдып, амгы үеде шыырак хөөмейжилерниң, хөгжүмчүлерниң орук айтып чоруур Сылдызы бооп, кезээ-мөңгеде салгакчыларының чүректеринде арткан.
О расположении топливных складов и ценах на уголь на территории Кызыла
В Кызыле функционируют 14 топливных складов, предлагающих каменный уголь для населения.
