Февраль ай аныяктарның ортузунда Ыдыктыг Валентинниң хүнү-биле онзагай. Бо хүннү бүгү делегейде ынакшааннар байырлап, ынакшылын илередир хүн азы байырлал болганын аныяк кижи канчап анаа эрттирерил.
Ыдыктыг Валентинниң хүнү частың баштайгы тыныжы-биле келир. Улусчу чаңчылдар-биле алыр болза, бо хүнде куштар безин эжин тып алыр. А кижилер аас-кежиктиг чурттаарын күзеп чоруур болгай.
Ындыг болганда, ынак кижизинге чүнү белекке берип болурул? Бичии "валентинка" чагаажыгаштар болбайн канчаар. Олар чүректерниң ыдыктыг демдээ болгай. Оон аңгыда ынакшылын илереткен шүлүктер, романтиктиг ажык чагаалар болгаш күзээшкиннер онза тааржыр.
Февраль 14-түң хүнүнде белекчигештер бээри XVII-ки чүс чылда-ла тывылган. Бот-бодунга ынакшааннар чараш чүскүктерни белекке берип чораан. Амгы үеде янзы-бүрү чимис аймаа, чымчак ойнаарактар, чүрек хевиринде суй-белектер бээри чаңчылчаан.
Бистиң республикавыста бо чараш байырлал аныяк-өскен ортузунда турумчуй бергенин билир бис. Ынчалза-даа чоок кижилериниң сагыш-сеткилин өөртүрү чаңгыс хүн-биле кызыгаарланмас, бүгү амыдырал оон тургустунган дээрзин утпаза эки.
Алена НАН-ХОО
Педагоги Тувы провели мастер-классы и обменялись опытом по вопросам развития дополнительного образования
Более 100 педагогов дополнительного образования, руководителей учреждений допобразования Тувы приняли участие в семинаре-практикуме «Мастер –класс как форма организации образовательного процесса в сф…
