Чадаана хоорайда Кужугет Серээевич биле Александра Яковлевна Шойгуларның бажың-музейиниң ээлчеглиг аалчылары – Суг-Аксы школазының 8 "б" класстың өөреникчилери болганын культура чери дыңнаткан.
Сески классчылар Тываның билдингир өг-бүлелериниң бирээзи – Шойгуларның байлак культурлуг өнчүзүн көргүскен үнелиг экспонаттар-биле танышкан.
Ол ышкаш Россияның Маадыры Сергей Шойгунуң өг-бүлезиниң бажың-музейиниң чанында туткан тыва көшкүн чоннуң чаңчылчаан чурттаар оран-савазы – өг хевирлиг туткан арт-объектиде ат-сураглыг чаңгыс чер чурттуунуң ажылдарын база ооң төрээн черинге кээп чораанын көргүскен чуруктар делгелгезин сонуургаан.
