Реджина Манчык-Сат – Кызыл хоорайның 5 дугаар гимназиязының ийиги классчызы. Ол «Скифтер» сам болгаш мода театрын¬че барып турар. Чоокта чаа Москва хоорайдан Дээди шаңналды эккелгенин республиканың немелде өөредилге сайзырадыр төвү дыңнаткан. Чеже-даа бичии болза, аажок кызымаккай.
Бичии Реджина сан база бойдус делегейи эртемнерге сундулуг. Сан кичээли аңаа хөглүг оюн-биле дөмей. Бир чаа бодалганы шын бодаптарга, бичии тиилелге болур. А бойдус делегейиниң кичээли аңаа кайгамчыктыг каас-чараш бойдус-чурумалды, дириг амытаннарны, сылдыс¬тарны ажыдып берип турар.
«Бистиң делегейивистиң тургустунганын билип алыры дыка солун» – деп, Реджина чугаалаан.
«Скифтер» – мээң эң-не улуг ынакшылым! Аңаа уран чүүлдүң аңгы-аңгы аргаларынга өөренип, ээлгир болурунга база чараш чүүлдерни билип ап турар мен. Сцена, хөгжүм, шимчээшкиннер – мээң бодумну илередир аргалар. Меңээ камера мурнунга бодун алдынары, подиумга бүзүрелдии-биле кылаштаары, аңгы-аңгы хептерни кедери дыка солун.
Чоокта чаа Москвага Аалчылар ордузунга «Бот-тускайлаң Россия» VI Бүгү Россияның шуулган-делгелгезинге киришкен бис. Аңаа «ЭТНОПОДИУМ» деп көргүзүгге бистиң театрывыс база киржип, Тываны төлээлээн. Шуулганга «Эртинелер» биле «Жемчужная нежность» деп коллекцияларны көргүстүвүс. «Эртинелер» «Мода, дизайн» номинацияга Дээди шаңналды чаалап алган, а «Жемчужная нежность» «Этномода» номинацияга бирги черни ээлээн – деп, «Скифтер» сам болгаш мода театрының дугайында Реджина күзелдии-биле таныштырган.
