Батарея командириниң Тывадан барган орус кыстар дугайында чагаазы. 1943 чылдың ноябрь.
Силерге чүректиң ханызындан бистиң байырывысты дамчыдарын болгаш Октябрьның байырлалын таварыштыр байыр чедирерин меңээ, батарея командиринге чөпшээреп көрүңер!
Бирээде, эки турачы дайынчы кыстарны кижизиткениңер дээш Силерге өөрүп четтиргенимни илередип олур мен.
Бо чорук бистиң шаап халдап турган үевисте болган. Тулчуушкуннуң изиг түлүк үезинде батареяга санитар сумказы чүктээн Тывадан келген кыс көстүп келген. Ол биске келгеш, бистер биле кады артып калган. Галя Калмыкова батарея-биле кады улуг дайынчы орукту эрткен. Ол биске келгеш комсомолга кирип алган, аңаа гвардия сержант деп ат тывыскан; ооң хөрээнде «гвардия» демдээ чайнап чоруур чүве. Бир катап батарея ажык аткылажыышкын кылган, дыка хөй кижи балыгланган. Галя оларга дузалап чоруп турган. Балыгланган улуста манаар харык кайда боор – деп, ол харыылап турган. Дайзының огунга балыглаттынгаш, барып ушкан соонда 4-даа шак четпээн. Дайынчылар балыгланган фронтучу кысты камныг алгаш чорупкан. Галя ам госпитальда иениң чылыг хайгааралында. Гвардия сержант дайынчы өөрүнүң манап турары бодунуң батареязынга удавас база чедип келир. Бистер, бистиң командылал, база бүгү батарея Галяның төрээн чурту – Тыва ону, Ада-чурттуң дайынының киржикчизин демдеглээр дээрзинге бүзүреп ор бис.
Ол ышкаш ооң төрелдеринге, адазы Иван Харитоновичиге, иези Таисья Николаевнага сеткилдиг ханызындан өөрүп четтиргенивисти илередип тур бис.
Батарея командири (Билдинмес кылдыр ат салып каан).
Николай Макаренко, Совет Эвилелиниң Маадыры.
- Уттундурбас чылдар. Незабываемые годы. – Ю.Л. Аранчын, Л.В. Гребнев, Ю.Ш. Кюнзегеш, О.К. Саган-оол, Н.А. Сердобов. – Типография управления по печати при Совете Министров Тувинской АССР. - Кызыл – 1965. – стр. 125-126.
ТР-ниң Национал архивиниң Ада-чурттуң Улуг дайынынга Тиилелгениң 80 чыл оюнга белеткээн чүүлү