Сүт-Хөл кожууннуң төвү Суг-Аксы суурга Ада-чурт камгалакчызының чылын түңнеп, Россияда Чоннарның чаңгыс деминиң чылын база Тывада Тургузукчу күш-ажылдың болгаш өг-бүле ыдыктарының чылын ажыткан байырлыг хемчег болуп эрткенин чагырга чери дыңнаткан.
Улуг Тиилелгениң 80 чыл оюнга болгаш Ада-чурт камгалакчызының чылынга тураскааткан ада-чуртчу угланыышкынныг хемчеглер хөйү-биле эрткен.
Сүт-хөлчүлер бир демниин көргүзүп, тускай шериг операциязы эгелээнинден тура дайынчыларга доктаамал ачы-дузазын чедирип турар.
ТР-ниң Дээди Хуралының Аграр политика, чер харылзааларының, бойдус ажыглалының, экология болгаш эвээш санныг үндезин чоннар херектериниң талазы-биле хораазының даргазы, тускай шериг операциязының киржикчизи Айдыс Куулар хемчегге киришкен.
Депутат Сүт-Хөл кожуун – маадырлар чурту деп чүүлдү онзалап демдеглээш, Ада-чурт камгалакчызының чылында республикага, ооң иштинде кожуунга хөй санныг солун төлевилелдер боттанганын демдеглээн.
Айдыс Куулар Сүт-Хөл кожууннуң эки турачыларынга Дээди Хуралдың «Тускай шериг операциязынга дузазы дээш» деп медальды болгаш тыва парламентиниң Даргазы Каң-оол Давааның Өөрүп четтириишкин бижиктерин тывыскан