Далай деңнелинден 2500 метр бедик черде турар, ырак-узак Кызыл-Хая суурда спорт залдыг 176 олуттуг школаның тудуу кайы хире чоруп турарын “Күртудугчагыг” албан чериниң төлээлери-биле кады хынаанын ТР-ниң тудуг сайыды Артыш Кыргыс дыңнаткан.
«Тудугда сериниң кырлаң системаларын эптээр ажылдар чоруп турар. Объектини чогуур хуусаазында ажыглалче киирер сорулга-биле, тудуг-эптелге ажылдарын доозар дээш, немелде ажылдакчыларны хаара тудар арганы көрүп турар бис. Айтырыгны хууда хыналдамда алдым» – деп, ол соцчеткилерде бижээн.
Үениң негелделеринге дүгжүп турар чаа школаны «Өөредилге» национал төлевилелиниң «Амгы үениң школазы» федералдыг төлевилелдиң чорудуу-биле тудуп турарын сагындыраал.
