Тывада 2025 чылда дун төлү төрүттүнген азы ам төрүттүнер өг-бүлелер чаа деткимчени алыр: чаа төрүттүнген чаш төлге херек бүгү чүүлдерлиг тускай белекти бээр. Тываның Баштыңы Владислав Ховалыг бо эгелээшкинни республиканың депутаттарынга Айыткалын берип тура дыңнаткан.
Россияның Президентизи Владимир Путинниң эрткен чылын чарлааны Өг-бүле чылында эгелээн ажы-төлдүг өг-бүлелерни база чаштарның төрүттүнерин деткээн регионалдыг хемчеглерни ам-даа уламчылаар.
Бирги төлү төрүттүнген өг-бүлеге немелде деткимче көргүзер бүрүн эргелиг эрге-чагырга органы кылдыр ТР-ниң Кадык камгалал яамызын доктааткан. Чоокта чаа регион чазааның ээлчеглиг хуралынга ол хемчегни боттандырарының чурумун сайгарып, бадылаан.
Кадык камгалал сайыды Анатолий Югай «Тыва чаа төрүттүнген чашка» деп белекте бөртчүгештер, хөйлеңнер, чүвүрлер, арыг-шевер аймаа, чөргектер, дөжектиг орунчугаш кирип турар. Ооң ниити өртээ 10 муң рубль болур. Дун төлге белекти чаңгыс катап бээр, а бир эвес ийистер азы үш чаш төрүттүнзе, ынчан белекти төл бүрүзү алыр.
Уругнуң төрүттүнген черинде күрүнениң кадык камгалал албан черлери деткимче хемчегни бээрде, чогуур документилер кошкан билдириишкинге даяныр.
Владислав Ховалыгның даалгазы-биле, 2025 чылдың январь 1-ден эгелеп, республикада төрүттүнген шупту дун чаштар белектерни алыр. Программаны чедиишкинниг боттандырар дээш, регионнуң эмнелге албан черлери-биле кады ажылдаарын Кадык камгалал яамызынга дааскан.
Республика бюджединде 1500 чашка белектерни белеткээр ук хемчегже акшаландырыышкынны тускайлаан. Эрткен чылдарда Тывага төрүттүнген дун өпеяларның санын көрүп тургаш, ону санап үндүрген. 2024 чылда чаа төрүттүнген 5600 чаштың 1399-зу дун өпея болган.
Масштабный патриотический проект, организованный Международной патриотической акцией «Улицы в лицах»
В преддверии Дня Героев Отечества в культурном пространстве страны произошло знаковое событие - завершился масштабный патриотический проект, организованный Международной патриотической акцией «Улицы …
